შესვლა

burger

სანიოლი: "მოთამაშეები კონცენტრირებული არიან"

ფონტის ზომა
TT

ვილი სანიოლმა ლუქსემბურგთან მატჩის წინ პრესკონფერენცია გამართა.

 

სულისკვეთება და შემართება

 

სულისკვეთება ყოველთვის მნიშვნელოვანია, განსაკუთრებით ასეთ დროს. ამის გარეშე რთულია შედეგის მიღწევა. მოთამაშეები მაქსიმალურად კონცენტრირებული არიან და თუ ამ თვისებებს გავაერთიანებთ, ეს მოიტანს შედეგს.

 

მოკლე დრო

 

თამაშამდე მოკლე პერიოდია მოსამზადებლად, ზოგი მოთამაშე გვიან შემოგვიერთდა, მაგრამ ყველამ იცის მოსამზადებელი პერიოდის რუტინა და იმას გავაკეთებთ, როგორც აქამდე ვიქცეოდით. ექსპერიმენტების დრო ახლა არაა.

 

ლუქსემბურგის ნაკრები

 

ლუქსემბურგის შესახებ ყველა ჩანაწერი ვნახეთ, განსაკუთრებით ბოლო პერიოდის. მეტოქე უნდა დავაფასოთ. ჩვენი ხარისხი მაქსიმალურად უნდა ვაჩვენოთ, სხვა შემთხვევაში შედეგს ვერ მივიღებთ. მოთამაშეებთან საუბრები მექნება, მაგრამ ამის დიდი დოზით გაკეთება არ მინდა.

 

კანკავა

 

რატომ გამოვიძახეთ ჯაბა? ის მნიშვნელოვანი ფიგურაა, როგორც ახალგაზრდებისთვის ისე გამოცდილი მოთამაშეებისთვის. დავაყენებ თუ არა სასტარტო შემადგენლობაში? ზუსტად რაც შემიძლია გითხრათ, კვარაცხელია სასტარტოში არ იქნება, სხვას ვერაფერს გეტყვით.

 

მოთამაშეები

 

მოთამაშეებით კმაყოფილი ვარ. რაც მთავარია, დაზიანებები არ არის. მიქაუტაძე და ზივზივაძე კარგ ფორმაში არიან, დაბრუნდა ქოჩორაშვილიც.

 

თამაშისთვის მზადება

 

მეც ფეხბურთელების მსგავსად ვინდომებ, მწვრთნელები ასეთი მატჩებისთვის სულ ვემზადებით. მნიშვნელოვანია, რომ კონცენტრაცია ერთ მიზანზე გვქონდეს. მოთამაშეებს ვეუბნები, რომ გონებით მიუდგნენ საქმეს და არა გულით.

 

საქართველო ფავორიტია?

 

ამას ხალხი და მედია ადგენს, მაგრამ ეს ჩვენ არ გვეხება. ყველამ იცის, რომ თუ არ დავიხარჯებით, ყველაფერი შეიძლება შეიცვალოს. გუნდურობა და კონცენტრაცია უნდა გამოვიჩინოთ.

 

21 მარტს საქართველოს ნაკრები დინამო არენაზე ლუქსემბურგს მიიღებს.

[email protected]

© 2023 აჭარაბეთ არენა. ყველა უფლება დაცულია.