შესვლა

burger

პირველად 2023 წლის თებერვლის შემდეგ - ასტონ ვილამ სახლში წააგო

ფონტის ზომა
TT

ასტონ ვილამ ნიუკასლს უმასპინძლა და 1-3 დამარცხდა.

 

პირველ ტაიმში დუბლი ფაბიან შერმა შეასრულა. შვეიცარიელმა მცველმა გოლები 32-ე და 36-ე წუთზე გაიტანა. 52-ე წუთზე ავტოგოლი ალექს მორენოს ჩაეთვალა და კაჭკაჭების უპირატესობა უკვე სამამდე გაიზარდა. 71-ე წუთზე ოლი უოტკინსმა ერთი ბურთი გაქვითა, თუმცა ეს იყო და ეს. ასტონ ვილა საკუთარ მოედანზე 1-3 დამარცხდა.

 

აღსანიშნავია, რომ დღევანდელ მატჩში რამდენიმე სერია დასრულდა.

 

ასტონ ვილამ პრემიერ ლიგაში სახლის შეხვედრებში 18-მატჩიანი წაუგებელი სერია დაასრულა. ნიუკასლს კი ბოლო 8 გასვლითი დაპირისპირება არ ჰქონდა მოგებული, ასევე სტუმრებს ვილა პარკზე არ ენახათ 8 მატჩში გამარჯვება.

 

კიდევ ერთი საინტერესო ფაქტია, რომ ასტონ ვილამ ამ სეზონში ნიუკასლისგან 8 გოლი გაუშვა. ეს კი უნაი ემერის კარიერაში მესამედ მოხდა, როცა ერთი მეტოქისგან მისმა გუნდმა 2 მატჩში ამდენი გოლი გაუშვა. წინა ორივე შემთხვევაში ესპანელი სპეციალისტის გუნდები მადრიდის რეალმა დაამწუხრა ამდენჯერ.

 

 

[email protected]

© 2023 აჭარაბეთ არენა. ყველა უფლება დაცულია.