დღეს ესპანეთის თასზე მადრიდული დერბი გაიმართება

კოპა დელ რეიზე ორი 1/4 ფინალისტის ვინაობა დარჩა გასარკვევი.

 

დღეს უნიონისტას დე სალამანკა ბარსელონას უმასპინძლებს, სადაც კატალონიური გუნდი აშკარა ფავორიტია, დღის მთავარი მატჩი კი ვანდა მეტროპოლიტანოზე გაიმართება. მათი ბოლო შეხვედრიდან 8 დღის შემდეგ, ატლეტიკო რეალს კვლავ შეხვდება. ესპანეთის სუპერ თასზე სამეფო გუნდმა დამატებით დროის შემდეგ 5-3 იმარჯვა.

 

რაც შეეხება შემდეგ ეტაპზე გასულ დანარჩენ გუნდებს. 1/4 ფინალის საგზური სევილიამ, ატლეტიკმა, მალიორკამ, სელტამ, სოსიედადმა და ჟირონამ მოიპოვეს.