ბორდოს მწვრთნელი: "ზურიკო ყველა თამაშის MVP უნდა ხდებოდეს"

ბორდოს მთავარმა მწვრთნელმა ალბერტ რიერამ ზურიკო დავითაშვილზე ისაუბრა.

 

"არ გამკვირვებია ზუკას ასეთი თამაში, მას აქვს ის მახასიათებლები, რითიც ყველა თამაშის MVP უნდა ხდებოდეს. ის განსხვავების შემქმნელი მოთამაშეა. ჩვენ მისგან ბევრს ველით და ასეთი მატჩები ყოველთვის უნდა ჩაატაროს. ზუკა ბევრს მუშაობს და ასე უნდა გააგრძელოს, მას ჩვენი დახმარება შეუძლია."

 

დავითაშვილმა პარიზთან შეხვედრაში გოლი და საგოლე გადაცემა მიითვალა, ბორდომ კი ქულა მოიპოვა.

 

ზურიკოს ანგარიშზე ამ სეზონში ბორდოს მაისურით 4 გოლი და 5 საგოლე გადაცემაა.