ვიდეო: US Open-ზე ამერიკული 1/2 ფინალი შედგება

US Open-ის 2024 წლის გათამაშებაში პირველი ნახევარფინალური წყვილი ცნობილია. ფინალის საგზურისთვის ერთმანეთს ამერიკელი ჩოგბურთელები, ტეილორ ფრიცი და ფრენსის ტიაფო დაუპირისპირდებიან.

ფრიცმა 1/4 ფინალში ალექსანდერ ზვერევი 4 სეტში (7-6, 3-6, 6-4, 7-6) დაამარცხა.

ტიაფო კი გრიგორ დიმიტროვს ასევე 4 სეტში ამარცხებდა, თუმცა ბულგარელმა შეხვედრა ბოლომდე ვერ მიიყვანა და ავტომატურად მომდევნო ეტაპზე ამერიკელი გავიდა.

კიდევ ორი ნახევარფინალისტის ვინაობა დღეს გაირკვევა. ბრიტანელი ჯეკ დრეიპერი ავსტრალიელ ალექს დე მინორს შეხვდება, იტალიელი იანიკ სინერი კი რუს დანილ მედვედევს დაუპირისპირდება.

US Open 8 სექტემბერს დასრულდება.