US Open-ს ახალი ჩემპიონი ჰყავს

ნიუ იორკში US Open 2024-ის ფინალური მატჩი გაიმართა, სადაც ერთმანეთს იტალიელი იანიკ სინერი და ამერიკელი ტეილორ ფრიცი დაუპირისპირდნენ.

შეხვედრაში სინერმა დამაჯერებელი გამარჯვება 3 სეტში (6-3, 6-4, 7-5) მოიპოვა და მეტოქე საკუთარ კედლებში დაამარცხა.

ATP რეიტინგის პირველმა ნომერმა US Open კარიერაში პირველად მოიგო, სულ კი მეორე გრანდ სლემის გამარჯვებული გახდა. იტალიელმა წელს ავსტრალიის ღია პირველობის მოგებაც მოახერხა.

სინერმა ჩემპიონობის გზაზე მაკდონალდი, მიკელსენი, ოკონელი, პოლი, მედვედევი, დრეიპერი და ფრიცი დაამარცხა.

იანიკი გახდა ისტორიაში პირველი იტალიელი ჩოგბურთელი, რომელმაც US Open-ის მოგება შეძლო.