სეზონის მეორე თუ კარიერაში პირველი? US Open-ის ფინალური წყვილი გაირკვა

ამერიკის ღია პირველობაზე კაცთა თანრიგში ფინალური წყვილი გაირკვა.

გადამწყვეტ შეხვედრაში ერთმანეთს იტალიელი იანიკ სინერი და კორტის მასპინძელი, ამერიკელი ტეილორ ფრიცი დაუპირისპირდებიან.

სინერმა ნახევარფინალში ბრიტანელი ჯეკ დრეიპერი სამ სეტში, 7:5 7:6 (3) 6:2 დაამარცხა და სეზონის მეორე გრენდ სლემის ფინალში შეძლო გასვლა. შეგახსენებთ, რომ იანიკმა წელს ავსტალიის ღია პირველობის მოგება შეძლო.

მეორე ნახევარფინალი კი სრულად ამერიკული გამოვიდა - ერთმანეთს ტეილორ ფრიცი და ფრენსის ტიაფო დაუპირისპირდნენ. ეს მატჩი გაცილებით დაძაბული და ხუთსეტიანი გამოვიდა.

საბოლოოდ, გამარჯვება ფრიცს დარჩა - 4:6 7:5 4:6 6:4 6:1 და ამერიკელი თავის კარიერაში პირველად ითამაშებს გრენდ სლემის ფინალში. აქამდე, ტეილორს ნახევარფინალიც არასდროს უთამაშია.

აქვე იმასაც მოგახსენებთ, რომ ფრიცი და სინერი ერთმანეთს კორტზე ორჯერ დაუპირისპირდნენ და ორივეჯერ - ჰარდის საფარზე. 2021 წლის ინდიან უელსის მასტერსზე ამერიკელმა გამარჯვება ორ სეტში მოიპოვა, 2023-ში იმავე ტურნირზე კი გამარჯვება სამ სეტში სინერს დარჩა.

გადამწყვეტი მატჩი ხვალ, 8 სექტემბერს , 22:00 საათისთვის დაიწყება.