სანდრო ტონალი ბრუნდება

ნიუკასლის ოფიციალური გვერდის განცხადებით სანდრო ტონალი ბრუნდება და 28 აგვისტოდან მას უკვე თამაში შეეძლება.

იტალიელი ნახევარმცველი ფსონების განთავსების გამო 10-თვიანი დისკვალიფიკაციით იყო დასჯილი.

სავარაუდოდ, 24 წლის ფეხბურთელს კარაბაო თასზე თასზე თამაში შეეძლება, სადაც ნიუკასლი ნოტინგემს დაუპირისპირდება. მატჩი 28 ან 29 აგვისტოს გაიმართება.

ინგლისურმა კლუბმა სანდრო ტონალი 2023 წლის ზაფხულში მილანიდან 64 მილიონ ევროდ შეიძინა. ტრანსფერიდან მალევე მოთამაშეს ფსონების განთავსება დაუდასტურდა და ის დიდხნიანი დისკვალიფიკაციით დაისაჯა.