რონალდუ: "რეალს ჩემპიონთა ლიგაზე კი არ უმართლებს, ეს კლუბი ისტორიაში საუკეთესოა"

კრიშტიანუ რონალდუმ თავის ყოფილ კლუბზე, მადრიდის რეალზე ისაუბრა.

„რეალზე ხალხი ხშირად ამბობს, რომ ჩემპიონთა ლიგაზე უმართლებს, მაგრამ არა, ეს გამართლება არ არის, ისინი ასეთი მომენტებისთვის ემზადებიან. 

ბერნაბეუზე სრულიად განსხვავებული აურა იგრძნობა. როცა მეტოქე აქ ჩამოდის, ერთ გოლს იტანს, მოდის 85-ე, 90-ე წუთი და მათზე ზეწოლა იზრდება.

ჩემთვის, რეალი ფეხბურთის ისტორიაში საუკეთესო კლუბია." - აღნიშნა პორტუგალიელმა სუპერვარსკვლავმა.

კრიშტიანუ რონალდუ რეალში 2009-2018 წლებში თამაშობდა, გუნდთან ერთად 5-ჯერ შეძლო ჩემპიონთა ლიგის მოგება და 438 მატჩში 450 გატანილი გოლით მისი ყველა დროის საუკეთესო ბომბარდირია.