რონალდუ: "პორტუგალიასთან ერთად ევროს მოგება მუნდიალის მოგების ტოლფასი იყო"

კრიშტიანუ რონალდუს თქმით, მას ნაკრებთან ერთად მსოფლიო ჩემპიონატის მოგების მოტივაცია არ ამოძრავებს.

„პორტუგალიასთან ერთად ევროპის ჩემპიონატის მოგება მუნდიალის მოგების ტოლფასი იყო.

ნაკრების მაისურით ორი ტიტული უკვე მოვიგე, რაც ძალიან მინდოდა. შესაბამისად, ახლა ეს ჩემი მთავარი მოტივაცია აღარ არის.

მე ფეხბურთის თამაშით ვარ მოტივირებული და თამაშისგან სიამოვნების მიღებით, რეკორდები კი თავისით მოდის." - აღნიშნა რონალდუმ.

კრიშტიანუმ გუშინ ხორვატიასთან მატჩში კარიერის მე-900 გოლი გაიტანა და ისტორიაში პირველი ფეხბურთელი გახდა, რომელმაც ამ ნიშნულს მიაღწია.