ქოჩორაშვილი: "უნდა დავივიწყოთ ის, რასაც მივაღწიეთ"

საქართველოს ნაკრების ნახევარმცველი, გიორგი ქოჩორაშვილი, მიღწეულზე გაჩერებას არ აპირებს.

სოც ქსელში გამოქვეყნებულ პოსტში ქართველი წერს:

„თითქოს დიდი დრო გავიდა, იმდენად ბედნიერებაა იმ ბიჭების, ჩემი მეგობრების ნახვა ვისთან ერთადაც ცხოვრების ერთ-ერთი ყველაზე მაგარი წუთები გავატარე.

თუმცა, აუცილებლად უნდა დავივიწყოთ ის, რაც გავაკეთეთ და ვიფიქროთ იმაზე, რა უნდა გავაკეთოთ, რადგან ახალი შანსი ახალი შესაძლებლობაა ხელახლა გავახაროთ მსოფლიოში საუკეთესო გულშემატკივრები."

ევრო 2024-ს შემდეგ თავის პირველ მატჩს საქართველოს ნაკრები 7 სექტემბერს, ერთა ლიგის პირველ მატჩში, ჩეხეთის წინააღმდეგ გამართავს.