ფენერბაჰჩემ კოსტიჩის სტამბოლში ჩაფრენა დაადასტურა

იუვენტუსის სერბი შემტევი ფილიპ კოსტიჩი კარიერას ფენერბაჰჩეში გააგრძელებს.

სტამბოლური კლუბის ოფიციალურმა ვებ-გვერდმა იუვენტუსთან და ფეხბურთელთან იჯარის თაობაზე მიღწეული შეთანხმება დაადასტურა.

კოსტიჩი თურქეთში სამედიცინო შემოწმების გასავლელად ჩაფრინდა, რომლის წარმატებით გავლის შემდეგაც ჟოზე მოურინიოს გუნდთან კონტრაქტს გააფორმებს.

გასულ სეზონში სერბმა სერია ა-ს 29 მატჩში 4 საგოლე პასი მიითვალა.