ოსიმენი: "ჩემთვის ადვილი იყო გალას შემოთავაზებაზე დათანხმება"

ვიქტორ ოსიმენმა გალათასარაიში გადასვლის შემდეგ კომენტარი გააკეთა.

"ჩემთვის ადვილი იყო გალას შემოთავაზებაზე დათანხმება, ეს დიდი კლუბია. ონიეკურუმ (გალათასარაის ყოფილი მოთამაშე) მითხრა როგორი განსაკუთრებული გულშემატკივრობაა აქ და ეს აეროპორტშიც ვნახე, ძალიან გამიხარდა. გალას თვალს ვადევნებდი მას შემდეგ, რაც აქ დრის მერტენსი გადავიდა. ერთი სული მაქვს, როდის ვითამაშებ." - განაცხადა ნიგერიელმა ფეხბურთელმა.

თავდამსხმელი თურქულ კლუბში ნაპოლიდან ერთწლიანი იჯარის წესით ითამაშებს. გალათასარაის მოთამაშის გამოსყიდვის უფლება არ ექნება.

ნაპოლის აქვს ვარიანტი, რომ ოსიმენს კონტრაქტი 2027 წლის ივნისამდე გაუხანგრძლივოს. ვიქტორის ახალი გამოსასყიდი თანხა 75 მილიონი ევრო იქნება.