ნიდერლანდებში თამაშგარის წესის გაუქმებას განიხილავენ

ნიდერლანდებში შესაძლოა თამაშგარის წესის გაუქმება გადაწყვიტონ.

ESPN-ის ინფორმაციით, ნიდერლანდების საფეხბურთო კავშირი სამოყვარულო ჩემპიონატებში თამაშგარის წესის გაუქმების ვარიანტს განიხილავს. ეს იდეა გაჩნდა იმის ფონზე, რომ მსაჯების საკამათო გადაწყვეტილებებს ხშირად აგრესია და შედეგად, თამაშების შეჩერება მოჰყვება ხოლმე.

საფეხბურთო ფედერაციის დირექტორმა, იან დირკ ვან დერ ზეემ აღნიშნა, რომ არბიტრების გადაწყვეტილებებით გამოწვეულ აგრესიას რაღაც უნდა მოუხერხონ და განსახილველად სწორედ თამაშგარის წესის გაუქმების იდეა შემოიტანა.

გასულ სეზონში აგრესიის გამო სამოყვარულო ჩემპიონატებში 1864 მატჩი შეჩერდა, რაც 11%-ით მეტია, ვიდრე იმის წინა სეზონში და 58%-ით მეტია, ვიდრე ბოლო ხუთწლიან პერიოდში.

„გვაქვს ეს პრობლემა და გვინდა ის აღმოვფხვრათ. არ გამოვრიცხავ, რომ ერთხელაც ჩვენ გვერდითი მსაჯების გამოყენებაზე ვიტყვით უარს." - აღნიშნა იან დირკ ვან დერ ზეემ.