მორატა: "ერთხელ, მილანურ დერბის ქუდით და მუქი სათვალით დავესწარი"

მილანის ფორვარდმა, ალვარო მორატამ აღიარა, რომ ერთხელ მილანურ დერბის მალულად დაესწრო.

„ერთხელ, დერბის ქუდით და მზის მუქი სათვალით დავესწარი, ამიტომ ვერავინ მიცნო.

ამას პირველად ვამბობ, ეს მილანური დერბის ატმოსფეროს შესაგრძნობად გავაკეთე.

მოუთმენლად ველოდები, როდის შევძლებ მასში მონაწილეობის მიღებას, დერბიში გოლის გატანას და მის მოგებას." - აღნიშნა მორატამ, რომელიც როსონერის აგვისტოში, 13 მილიონ ევროდ შეუერთდა. 

სეზონის პირველ მილანურ დერბის 22 სექტემბერს, 22:45 საათზე ვიხილავთ, ნომინალური მასპინძელი ინტერი იქნება.