MLS-ის ყველა ვარსკვლავის მატჩს მთავარი სახეები დააკლდებიან

ინტერ მაიამიმ დაადასტურა, რომ ლეო მესი და ლუის სუარესი MLS-ის ყველა ვარსკვლავის მატჩს გამოტოვებენ.

მესის კვლავ კოპა ამერიკა 2024-ის ფინალში მიღებული კოჭის ტრავმა აწუხებს, სუარესს კი მუხლზე აქვს დისკომფორტი, რომელიც ჩიკაგოსთან მატჩში დაიზიანა.

25 ივლისს ერთმანეთს აშშ-ს საფეხბურთო ჩემპიონატის MLS-ისა და მექსიკის ჩემპიონატის Liga MX-ის ვარსკვლავებისგან შემდგარი გუნდები დაუპირისპირდებიან.

MLS-ის გუნდის განაცხადში უგო ლორისი, რომან ბურკი, ჟორდი ალბა, რიკი პუჩი, ექტორ ერერა, სერხიო ბუსკეტსი, ფედერიკო ბერნარდესკი, კრისტიან ბენტეკე და სხვა გამორჩეული მოთამაშეები არიან.