მბაპე: "ვიღაცისთვის სამი უგოლო მატჩი ცოტაა, მაგრამ ჩემთვის - არა"

კილიან მბაპე გახარებულია, რომ ბეტისთან გოლით 3-მატჩიანი უგოლო სერია შეწყვიტა.

„საოცარი მომენტია. იმედი მქონდა ამ ლეგენდარულ, მსოფლიოს საუკეთესო სტადიონზე გოლის გატანის, მაგრამ პირველ რიგში გამარჯვებაა მნიშვნელოვანი. ლას პალმასთან მატჩის შემდეგ, მოგება აუცილებელი იყო. გაგვიჭირდა, მაგრამ ჩვენ მადრიდის რეალი ვართ.

ვალვერდემ ერთი შეხებით ისეთი პასი გამიკეთა, რომ მომხდარის აღწერასაც კი ვერ ვახერხებ. მე ვიგრძენი, რომ ბურთი ჩემთან მოვიდოდა და გავიხსენი. საბოლოოდ, გატანა შევძელი.

ძლიერი გუნდების დამარცხება თავდაჯერებისთვის გვჭირდება. თუმცა, არ უნდა დავივიწყოთ, რომ ჯერ მხოლოდ აგვისტო მოვიტოვეთ უკან. უფრო თავდაჯერებულები უნდა გავხდეთ, ერთიანები ვიყოთ და გავიმარჯვოთ, იმიტომ რომ ჩვენი კონკურენტებიც იგებენ.

თავს ძალიან კარგად ვგრძნობ, ამას გადმოსვლიდან ყოველდღე ვიმეორებ. მიხარია, რომ ხალხი ჩემზე ზრუნავს, ამას მაშინაც კი ვგრძნობდი, როცა გოლებს ვერ ვიტანდი. ვიღაცისთვის სამი უგოლო მატჩი - ცოტაა, მაგრამ ჩემთვის არა. ამ კლუბში ხალხიც და ქომაგებიც გვერდში მედგნენ და თავდაჯერებას მმატებდნენ, რათა ამ კლუბსა და ლოგოსთვის ყველაფერი გამეღო.

აქ ყოფნა - ოცნებაა. იმედი მაქვს, უფრო მეტ გოლს გავიტან და კვლავ მივიღებ ამ ოვაციებს.“ - აღნიშნა რეალის ფორვარდმა.