მანჩესტერის ხელმძღვანელობა ტენ ჰაგის სათამაშო სტილით უკმაყოფილოა - მწვრთნელის შეცვლა არ გამოირიცხება

სეზონი ჯერ ახლახანს დაიწყო, მანჩესტერ იუნაიტედში კი მწვრთნელის შეცვლას უკვე არ გამორიცხავენ.

The Guardian-ის ინფორმაციით, ხელმძღვანელობისთვის გუნდის ამჟამინდელი სათამაშო სტილი მიუღებელია. კლუბში ხვდებიან, რომ ნიდერლანდელ სპეციალისტს მანჩესტერში მუშაობის გარკვეულ ეტაპზე ტრავმების ეპიდებიამ შეუშალა ხელი, ახლა კი დრო სჭირდება, რათა სისტემაში ახალწვეულები ჩანერგოს, მაგრამ მაინც არსებობს კითხვები იმასთან დაკავშირებით, თუ რა ფეხბურთის ჩვენებას ცდილობს ტენ ჰაგი.

მანჩესტერ იუნაიტედის ხელმძღვანელობა, მათ შორის სპორტული დირექტორი დენ ეშუორტი, ტექნიკური დირექტორი ჯეისონ უილკოკსი და კლუბის თანამფლობელი, ჯიმ რეტკლიფი, გუნდის სათამაშო მოდელის აქტიური შესწავლის პროცესში იმყოებიან.

უახლოეს პერიოდში ტენ ჰაგს არაფერი ემუქრება და ის ჯერ კიდევ აგრძელებს ხელმძღვანელობის ნდობით სარგებლობას, მაგრამ მისი მომავალი არც ისეთი ნათელია, როგორიც სეზონის სტარტზე შეიძლება ჰქონდეს.