მანჩესტერი უგარტეს დამატებასთან ახლოსაა

იტალიელი ჟურნალისტის ფაბრიციო რომანოს ცნობით, მანჩესტერ იუნაიტედი ახლოსაა მანუელ უგარტეს ტრანსფერის დახურვასთან.

წითელი ეშმაკები მოთამაშე იჯარის წესით და შემდეგ გამოსყიდვის ვალდებულებით დაიმატებენ. პსჟ-ს წარმომადგენლებთან შეხვედრამ პოზიტიურად ჩაიარა.

გარიგება ბოლო ეტაპზეა და მხარეებს შორის შეთანხმება მალე უნდა შედგეს. იუნაიტედმა თავად უგარტესთან პირადი დეტალები რამდენიმე კვირის წინ უკვე შეათანხმა.

ურუგვაელის აგენტი ჟორჟე მენდეში ლენი იოროს ტრანსფერის მსგავსად ამ გარიგებაშიც აქტიურად არის ჩართული.

23 წლის ნახევარმცველი პსჟ-ში 2023 წელს ლისაბონის სპორტინგიდან გადავიდა. მას ურუგვაის ნაკრებში 22 მატჩი აქვს ჩატარებული.