გოგლიჩიძე: "ვეცდებით, რომ ჩვენი თამაშით მივაღწიოთ წარმატებას"

ჩეხეთთან მატჩი შეაფასა და ალბანეთთან მოახლოებული მატჩის შესახებ ისაუბრა ეროვნული გუნდის ფეხბურთელმა, საბა გოგლიჩიძემ.

"ჩეხეთის ნაკრების სახით ძლიერი მეტოქე დავამარცხეთ. კარგად მოვემზადეთ ამ თამაშისთვის, ასი პროცენტით დავიხარჯეთ და დამსახურებულად გავიმარჯვეთ. ალბანეთი რთული მეტოქეა, რომელსაც, რა თქმა უნდა, ვაფასებთ. ვემზადებით და ვეცდებით, რომ ჩვენი თამაშით მივაღწიოთ წარმატებას". - ციტირებს ახალგაზრდა მცველის სიტყვებს ეროვნული ნაკრების გვერდი.

საბა გოგლიჩიძის დებიუტი ეროვნულ ნაკრებში სწორედ ჩეხეთთან 4-1 მოგებულ შეხვედრაში შედგა.

ალბანეთისა და საქართველოს მატჩი 22:45 საათზე დაიწყება.

მამარდაშვილი: "მსოფლიო ჩემპიონატზე გასვლა შეგვიძლია"