დურანტი პსჟ-ს აქციონერი ხდება

ფრანგული პრესის ინფორმაციით, აშშ-ს ნაკრებისა და ფინიქს სანსის კალათბურთელი კევინ დურანტი პსჟ-ს აქციონერი ხდება.

დურანტს პარიზთან უკვე კარგი მოგონებები აკავშირებს. მან და ამერიკის შეერთებულმა შტატების ნაკრებმა რამდენიმე დღის წინ ოლიმპიადის ფინალში მასპინძელი საფრანგეთი დაამარცხეს და ოლიმპიური ჩემპიონები გახდნენ.

თავად კევინმა კი კარიერაში მე-4 ოლიმპიური ოქრო მოიპოვა. ის პირველი კაცი კალათბურთელი გახდა ოლიმპიადის ისტორიაში, ვინც ეს შედეგი დააფიქსირა. ის ჩემპიონი 2012 წელს ლონდონში, 2016 წელს რიოში, 2021 წელს ტოკიოში და ახლა უკვე 2024 წელს პარიზში გახდა.

დურანტი არ არის NBA-ს პირველი ვარსკვლავი, რომელიც ფეხბურთთან არის დაკავშირებული. შეგახსენებთ, რომ ასევე პარიზის ოლიმპიური ჩემპიონი ლებრონ ჯეიმსი ლივერპულის აქციონერია.