ბუფონი: "იტალიის ნაკრებს სათანადოდ ვერ გვაფასებენ"

ჯანლუიჯი ბუფონმა ევრო 2024-ზე იტალიის ნაკრების მოლოდინზე ისაუბრა.

„ასეთი ტურნირების დროს ჩვენ ვერთიანდებით ხოლმე. ყველას გვახსოვს რა მოხდა 1982-ში ან 2006-ში, ეს რაღაც გრანდიოზული იყო.

ჩემი აზრით, საკმაოდ ძლიერი გუნდი გვყავს და სათანადოდ ვერ გვაფასებენ. დარწმუნებული ვარ, რომ ძლიერი ფეხბურთელებით დაკომპლექტებული გუნდი ვართ და არ უნდა დაგვავიწყდეს მწვრთნელიც, რომელმაც გუნდს უდიდესი თავდაჯერება შემატა. არ ვამბობ, რომ აუცილებლად მოვიგებთ, მაგრამ იმედგაცრუებულებიც ცალსახად არ უნდა დავრჩეთ.

არასწორი განწყობით ევროს დაწყებას სჯობს, საერთოდ არ დაიწყო. ამიტომ, განწყობა ძალიან ოპტიმისტური და დადებითი გვაქვს. ამავდროულად, მუდმივად უნდა ვაკვირდებოდეთ, რისი გაუმჯობესება შეგვიძლია და თუ ყველაფერი სწორად გაკეთდა, შეგვიძლია გავხდეთ ნაკრები, რომლისაც შეეშინდებათ." - აღნიშნა ლეგენდარულმა კიპერმა.