ბარსელონას ახალგაზრდა ნახევარმცველს ერთ წლამდე გაუცდება

ბარსელონას ნახევარმცველს, მარკ ბერნალს, მუხლის ჯვარედინი მყესების გაწყვეტის გამო დაახლოებით ერთი წელი გაუცდება.

კლუბის ოფიციალური პრესსამსახურის ინფორმაციით, ბერნალს ოპერაცია წარმატებით ჩაუტარდა - ჯვარედინი მყესების გარდა, მას დაუზიანდა გვერდითა მენისკიც. დაახლოებით ასეთივე ტრავმა ერთი წლის წინ მიიღო პაბლო გავიმაც, რომელიც მოედანზე ჯერ არ დაბრუნებულა.

სავარაუდოდ, ბერნალის გამოჯანმრთელების პროცესიც დაახლოებით 12 თვეს გასტანს.