"არასდროს მინახავს, ვინმე ასე ატარებდეს ბურთს" - კლევერლი ჩაკვეტაძით გაოცებულია

ოქსფორდთან მატჩის შემდეგ უოტფორდის მთავარმა მწვრთნელმა, ტომ კლევერლიმ გიორგი ჩაკვეტაძეზე ისაუბრა.

"საოცარია, როგორ იღებს ის ბურთს წნეხის დროს, მიიწევს წინ, იშორებს ხალხს თამაშიდან და ქმნის შანსებს გუნდელებისთვის. თუ გიორგი თავის თამაშს გოლებს დაამატებს, ის ტოპ ოთხის (პრემიერ ლიგა) მოთამაშეა.

არასდროს მინახავს, ვინმე ასე ატარებდეს ბურთს ასეთი სათამაშო ინტელექტით. ის უმაღლესი დონის მოთამაშეა. ჩემს კარიერაში ბევრი ტოპ ფეხბურთელი მინახავს და თუ ის თავის თამაშს გოლებს დაამატებს, მათ შორის აუცილებლად მოხვდება" - განაცხადა ინგლისელმა.

უოტფორდმა ოქსფორდი 1-0 დაამარცხა, ქართველი ფეხბურთელი კი მატჩის საუკეთესო მოთამაშედ დასახელდა.

"ისიამოვნეთ მისი თამაშით" - ჩაკვეტაძის MVP და ფანების რეაქციები