ალკარასმა ნახევარფინალი უმარტივესად მოიგო და მედალი გაინაღდა

პარიზის ოლიმპიური თამაშების 1/2 ფინალში ესპანელმა ჩოგბურთელმა კარლოს ალკარასმა კანადელი ფელიქს ოჟე-ალიასიმი გაანადგურა.

შეხვედრა პარიზის ცენტრალურ კორტზე გაიმართა და ალკარასის გამარჯვებით, 6:1 6:1 დასრულდა. 

თამაშის მოსაგებად კარლოსს კორტზე მხოლოდ 1 საათის და 14 წუთის ჩატარება დასჭირდა.

გადამწყვეტ შეხვედრაში ალკარასი ნოვაკ ჯოკოვიჩსა და ლორენცო მუსეტის შორის გამარჯვებულს დაუპირისპირდება, რომელთა მატჩიც დღეს, 21:00 საათზე გაიმართება.