48-ე მსხვერპლი! კრიშტიანუ რონალდუმ მორიგი რეკორდი დაამყარა

კრიშტიანუ რონალდუმ შოტლანდიის კარში გოლი პირველად გაიტანა.

პორტუგალიის ნაკრების კაპიტანი ერთა ლიგის მატჩში ცვლილებაზე მეორე ტაიმში გამოვიდა და 88-ე წუთზე გამარჯვების გოლის გატანა შეძლო.

კარიერის მანძილზე პორტუგალიელს 48 სხვადასხვა ნაკრების კარში აქვს გოლი გატანილი, რაც მსოფლიო რეკორდია - არცერთ სხვა ფეხბურთელს ამდენი ნაკრების კარში გოლი არასდროს არ გაუტანია.

ყველაზე მეტად რონალდუს გოლებისგან ლუქსემბურგმა (11), შვედეთმა (7) და ლიეტუვამ (7) იზარალეს.