2-დან 2 და მიულერის გოლი ისტორიულ მატჩში - ბაიერნმა შინ მოიგო

ბუნდესლიგის მე-2 ტურში ვინსენ კომპანის მიუნხენის ბაიერნმა ფრაიბურგი დაამარცხა.

შეხვედრა ალიანც არენაზე გაიმართა და რეკორდმაისტერის გამარჯვებით 2:0 დასრულდა.

38-ე წუთზე ანგარიში თერთმეტმეტრიანი ნიშნულიდან ჰარი კეინმა გახსნა, 78-ზე კი ტაბლოზე საბოლოო ანგარიში შეცვლაზე შემოსულმა თომას მიულერმა დააფიქსირა.

სხვათაშორის, მიულერისთვის ეს მატჩი ისტორიული აღმოჩნდა - მან ბაიერნის მაისური 710-ედ მოირგო და კლუბის ისტორიაში ყველაზე მეტი ჩატარებული მატჩი დაუგროვდა. აქამდე ამ წოდებას 709 მატჩით ზეპ მაიერი იკავებდა.

ბაიერნმა 6 ქულა დააგროვა და სატურნირო ცხრილს ჰაიდენჰაიმთან და ლაიფციგთან ერთად ლიდერობს.