შესვლა

burger

ბარსელონა კოპა დელ რეის გამოეთიშა

ფონტის ზომა
TT

ბარსელონა კოპა დელ რეის 1/4 ფინალში ბილბაოს ატლეტიკს ესტუმრა.

 

მატჩში ანგარიში პირველივე წუთზე გორკა გურუსეტამ გახსნა, თუმცა კატალონიელებმა პირველი ტაიმის მოგება მაინც მოახერხეს. 

 

26-ე წუთზე მასპინძელთა მცველების შეცდომის შედეგად რობერტ ლევანდოვსკიმ ანგარიში გაათანაბრა, აქედან 6 წუთში კი ლამინ იამალმა ლამაზი დარტყმით სტუმრები წინ გაიყვანა.

 

მეორე ტაიმის დაწყებიდან მალევე, კერძოდ 49-ე წუთზე, ნიკო უილიამსის საჯარიმოში ჩაწოდებულს ოიან სანსეტი გამოეხმაურა და ანგარიში 2-2 გახადა. ძირითადი დროის ბოლომდე გოლი აღარ გასულა.

 

შეხვედრის ბედის გადაწყვეტა ექსტრა ტაიმებში ძმებმა უილიამსებმა ითავეს, პირველი დამატებითი ტაიმის კომპენსირებულ დროში ჯერ ინიაკიმ, ხოლო 121-ე წუთზე ნიკომ ბარსელონას კარი აიღეს და ბილბაოს ატლეტიკს გამარჯვებაში დაეხმარნენ. ამ უკანასკნელმა გოლი ე.წ. ტრიველა დარტყმით გაიტანა.

 

ბასკები ამ გამარჯვებით კოპა დელ რეის 1/2 ფინალში გავიდნენ, სადაც უკვე გასულები სოსიედადი და მალიორკა არიან. 

 

სოსიედადმა სელტა დაამარცხა 1-2, მალიორკამ კი ჟირონას სძლია 3-2.

 

მეოთხე ნახევარფინალისტის ვინაობას ატლეტიკო და სევილია გაარკვევენ.

 

 

[email protected]

© 2023 აჭარაბეთ არენა. ყველა უფლება დაცულია.